Flugþjónusta

Skeljungur hf. selur þotueldsneyti (Jet A-1) og flugbensín (Avgas 100LL) og er með þjónustu á flestum stærri flugvöllum landsins samkvæmt alþjóðlegum gæðastöðlum.

Á flugvöllunum í Reykjavík, á Ísafirði, Akureyri og Egilsstöðum eru báðar tegundir eldsneytis á boðstólum á venjulegum vinnutíma, en auk þess er unnt að semja um útkall. Á Keflavíkurflugvelli og á Höfn í Hornafirði er einungis selt þotueldsneyti.

Á Reykjavíkur-, Ísafjarðar-, Akureyrar- og Egilsstaðaflugvelli er sjálfsafgreiðslubúnaður fyrir flugbensín þar sem handhafar viðskiptakorta Skeljungs geta afgreitt sig sjálfir hvenær sem er sólarhringsins.