Stjórn

Jón Ásgeir Jóhannesson

Stjórnarformaður

Jón Ásgeir er stofnandi Bónus, fjárfestir og ráðgjafi. Áður starfaði Jón sem forstjóri Haga. Jón hefur víðtæka reynslu af stjórnarstörfum en hann hefur sinnt stjórnarformennsku fyrir Haga og síðar Baug Group ásamt stjórnarstörfum fyrir Iceland Foods og Magazin du Nord, auk fjölda annara innlendra félaga. Jón Ásgeir er einnig varamaður í stjórn 365 miðla hf.

Birna Ósk Einarsdóttir

Varaformaður

Birna Ósk Einarsdóttir er framkvæmdastjóri sölu- og þjónustusviðs Icelandair. Áður starfaði Birna sem framkvæmdastjóri markaðs- og viðskiptaþróunarsviðs Landsvirkjunar og einnig sem framkvæmdastjóri yfir sölu- og þjónustusviði Símans en þar stýrði hún einnig einstaklingssviði um skeið. Birna er með meistaragráðu í stjórnun og stefnumótun frá HR og BS gráðu í viðskiptafræði frá HÍ.

Þórarinn Arnar Sævarsson

Meðstjórnandi

Þórarinn er sérleyfishafi Remax á Íslandi, eigandi og stjórnarmaður, eigandi að Kontakt fyrirtækjaráðgjöf og eigandi og stjórnarmaður fjárfestingafélaganna Loran ehf., RPF ehf. og IREF ehf. Þórarinn býr yfir mikilli þekkingu og reynslu á sviði sjávarútvegs og af fasteignamarkaði, tengt kaupum, sölum, umbreytingu og þróun fasteigna, auk fjárfestingaverkefna í ráðgjafafyrirtækjum, nýsköpunarfyrirtækjum og tæknifyrirtækjum. Stofnun fasteignasölukeðju á Íslandi og erlendis. Þórarinn er löggiltur fasteignasali og leigumiðlari en ásamt því hefur Þórarinn próf frá Vélskóla Íslands og Skipstjórnarskólanum, auk flugnáms.

Nanna Björk Ásgrímsdóttir

Meðstjórnandi

Nanna Björk er fjárfestir, en hún hefur verið í eigin fjárfestingum frá 2006 til dagsins í dag. Hún hefur komið að rekstri fjölmargra verslana, bæði hér heima og erlendis ýmist sem eigandi og fjárfestir eða stjórnandi, t.d. All Saint, Whistles, Karen Millen, Shoe Studio og Warehouse. Þar áður starfaði hún hjá hjá Kaupþing Bank, Corporate Finance við almenn lögfræðistörf 2001-2003 og á Lex lögmannsstofu við almenn lögfræðistörf 1999-2000. Nanna Björk er með LLM Mastersgráðu í Evrópurétti frá Háskólanum í Stokkhólmi og Embættispróf í lögfræði frá Háskóla Íslands.

Sigurður Kristinn Egilsson

Meðstjórnandi

Sigurður er stofnandi Arcur Finance sem sérhæfir sig m.a. í fjármögnun fyrirtækja ásamt ýmsum sérhæfðum verkefnum. Frá 1998-2007 starfaði Sigurður á eignastýringasviði Kaupþings banka, frá 2007-2010 starfaði hann á eignastýringasviði bankans erlendis og leiddi uppbyggingu á alþjóðlegu sjóðasviði fyrir fagfjárfesta. Frá árinu 2010-2016 veitti Sigurður forstöðu eignastýringar og sérhæfðra sjóða hjá ALM Verðbréfum sem fjármagnaðir voru af lífeyrissjóðum. Þá hefur hann setið í stjórn Meniga fyrir hönd fjárfesta. Sigurður er stjórnarformaður NeckCare Holding ehf. Sigurður útskrifaðist sem véla-og iðnaðarverkfræðingur frá Háskóla Íslands og er auk þess með löggildingu í verðbréfaviðskiptum.

Hluthafar geta komið sjónarmiðum á framfæri eða sett fram spurningar til stjórnar í gegnum tölvupóstfangið stjorn@skeljungur.is sem ritari stjórnar hefur umsjón með. Ritari stjórnar tilkynnir stjórn um allar tillögur eða spurningar hluthafa og hefur stjórnin yfirumsjón með viðbrögðum félagsins við þeim.

Fjárfestaupplýsingar

Skeljungur samanstendur af tveimur rótgrónum rekstrarfélögum með yfir 90 ára rekstrarsögu. Skeljungur er með starfsemi á Íslandi og í Færeyjum og þjónustar yfir 60 þúsund viðskiptavini. Hlutverk Skeljungs er að þjóna orkuþörf einstaklinga og fyrirtækja á hagkvæman og öruggan máta í sátt við umhverfi sitt.