Hannes Sigurbjörn Jónsson, formaður KKÍ, og Gunnar Karl Guðmundsson, forstjóri Skeljungs, skrifuðu undir samninginn. Báðir aðilar vænta mikils af samstarfinu í framtíðinni en Skeljungur mun koma að starfi landsliðanna, úrvals og afreksbúða KKÍ.
Skeljungur hefur verið einn af samstarfsaðilum KKÍ frá árinu 2004. Samningurinn er einn af þeim stærstu sem gerður hefur verið við KKÍ og sá stærsti sem KKÍ hefur gert í tengslum við landsliðsstarf sitt. Með þessum öfluga stuðningi Skeljungs getur KKÍ eflt allt það starf sem er í kringum bestu og efnilegustu leikmenn landsins í körfubolta.